Converter a un formato de ficheiro diferente

As imaxes gárdanse nun formato de ficheiro específico, como JPEG ou PNG. Pode converter dun formato de ficheiro a outro.

Converter unha única imaxe a un formato de ficheiro diferente

Prema ImaxeGardar como . Mostrarase a xanela emerxente Gardar imaxe.

No campo de nome, cambie a extensión de ficheiro ao tipo de ficheiro ao que quere converter a súa imaxe. A extensión do ficheiro é a parte do nome do ficheiro despois do punto.

Por exemplo, para converter un ficheiro en JPEG (.jpg) a un ficheiro en formato mapa de bits (BMP, .bmp):

ficheiro orixinal: imaxe.jpg

novo ficheiro: imaxe.bmp

Prema Gardar e gardarase un ficheiro novo no novo formato. O ficheiro antigo (no formato anterior) segurá onde estaba e non se eliminará.

O Visor de imaxes tenta adiviñar o formato de ficheiro no que gardar a imaxe baseándose na extensión do ficheiro que elixa. Se non recoñece a extensión de ficheiro que escriba ou se non sabe cal usar, prema Ficheiros de imaxe compatíbeis na xanela Gardar imaxe. Isto permitiralle seleccionar un formato de ficheiro da lista despregábel.

Converter varias imaxes a un tipo de ficheiro diferente

Pode converter certo número de imaxes dun formato de ficheiro a outro dunha sola vez. Útil se ten unha morea de imaxes que precisa converter.

Na colección de imaxes, prema e manteña premida a tecla Ctrl e seleccione as imaxes que quere converter unha por unha. Alternativamente prema CtrlA para seleccionar todas as imaxes.

Prema ImaxeGardar como. Aparecerá unha xanela (mostrada a continuación).

De forma predeterminada, as imaxes gardaranse no cartafol actual. Se quere gardalas noutro lugar, seleccione o cartafol desde o menú despregábel Cartafol de destino.

Seleccione o formato de ficheiro ao que quere converter as imaxes desde o menú despregábel á dereita da caixa de entrada Formato do nome de ficheiro.

Prema Gardar.